إحلموا جميعا فالأحلام تتحقق

ما اجمل هذا الشعور... رؤيتك لحلمك وحلمهم يتحقق، بالتعاون... بالمحبة... بالصيحه والنجره اليومية مع الشركاء والسكرتاريه وحتى الفراشين.

حلمي يتحقق الآن
حلمهم يتحقق الآن
اول من صنعها في الشرق الأوسط...
اول من طورها بهالشكل (في العالم)
نعم اخيرا قمنا نتفلسف حتى على الصين ونعطيهم من هالخبره
جذاب لو اقول ان لي مجهود بهالنجاح،يمكن شويه افكار بسيطه وشوية ملاحظات بس لأن الموضوع كان فني بحت،
لكن الحين صار دوري للإستمتاع بال:
اداره-تسويق-محاسبة.
اليوم يومي:-)

الخطة الوطنية للترقيم

***تحديث***

حاولت اعرف طريقة ال

Backup

مالت زين بس الموقع مالهم داون

ومالي خلق ادق عليهم

صباح الخير

اعتبارا من اليوم تم تطبيق الخطة الوطنية الجديدة للترقيم في الكويت

يعني ارقام التلفونات صارت 8 ارقام

اخر يوم لاستخدام ال7 ارقام راح يكون 17-10-2008

يعني اللي رقمه:

6XXXXXX

راح يصير

66XXXXXX

طبعا راح تحتاجون تغيرون الارقام المخزنة عندكم

Contacts

وتزيدون رقم 6 حق خطووط الوطنية

ورقم 9 لخطوط زين

والخطوط الأرضية صار قبلها 2

ورقم 1 للأرقام التجارية (808080)

أما الخدمات اللي تكون من 3 ارقام (777-113-101) راح تبقى بدون تغيير

طبعا بما ان خطي وطنية فحبيت اقولكم طريقة تغيير الارقام بكل سهولة

أول طريقة :

الاشتراك بخدمة WBackup

هالخدمة تخزن جميع الارقام الموجودة عندكم بالتلفون وترجعها لكم معدلة حسب خطة الترقيم اليديدة

يعني بس تشترك بالخدمة راح تزيد الرقم 6 (على خطوط الوطنية بس اما ارقام زين والارقام الأرضية راح تبقى بدون لايزيدها البرنامج)

بدون اي مجهود منك.

طريقة الإشتراك فيها: ارسل

backup

للرقم 1618

راح يوصلكم مسج فيه Link

تضغط عليه راح ينزلك برنامج بالتلفون

تدش على البرنامج وتضغط

Option

وتختار

Backup

وتختار شنو تبي تسويله باك اب(صور-مسجات-ارقام-رزنامة)

طبعا راح تختار الأرقام

تحط صح على كلمة

Phone Book

وتقوله

Save

بعدها بتشوف شريط يمشي نفس الداونلود

لما يخلص سكر البرنامج ورد بطله

وضغط على Option

بعدين

Restore

وراح ترد الأرقام تتخزن بالتلفون بعد التعديل

يعني مضاف لها رقم 6

الخدمة مجانية لي تاريخ 13-10

لازم يكون جهازك يدعم خدمة الواب (وتكون خدمة الواب شغالة)

ولازم يكون الجهاز Smart phone

اللي جهازه سوني اريكسون (نفسي) الطريقة راح تكون وااااااااااااايد صعبة

لأن السوني اريكسون Syncphone not smart phone

فيفضل انكم تراجعون فرع الوطنية يغيرون الأرقام من عندهم

عيوب الخدمة:

1-اكثر من شخص انمسحت الأرقام اللي عنده كلها بالغلط. (يمكن ماعرف يسويها عدل)

2-ماتحدث جميع الأرقام (فقط الوطنية)

الطريقة الثانية:

انك تروح اي فرع من فروع الوطنية أو موزع معتمد وتعطيهم تلفونك وانت واقف

يوصلونه بالكيبل ويغيرون الأرقام الموجودة عندك بالجهاز

الطريقة ال3:

تمسك تلفونك كل يوم قبل الفطور تلهي نفسك بتعديل الأرقام وتضيع وقت لين يؤذن المغرب:)

طبعا اللي يبي يغير الأرقام من نفسه راح يحتار لأن في بعض الأرقام ماندري اهي وطنية والا زين

فأنا قلت اصير خوش ريال وبيني وبينكم كاتب البوست كاتبه

فأكتبه كامل وشامل احسن

فحطيت لكم بداية ارقام الشركتين (زين والوطنية) وانتوا عاد غيروهم من عندكم

بالنسبة لخطوط الوطنية: تضيفون قبلها رقم 6

60

61

62

63

64

65

66

67

68

69

77

70

50

51

59

58

554

555

556

558

559

550

أما بخصوص ارقام زين راح تكون بدايتها: تضيفون قبلها رقم 9

90

91

92

93

94

95

96

97

98

99

79

71

72

73

74

75

76

76

44

والله ولي التوفيق

الله

الوطن

الأمير

شغل النشيد الوطني يا صبي!

صور منوعة 1

كنت اقلب بجهازي جان القى هالصور قلت انشرها بلا هدف كالعاده:)
بعض الصور نشرتها من سنة تقريبا بس ماسحهم من زمان

حلو تتابع مباراه من فوق:)

أول مرة اشوف جلب يوقف فوق السور

حشا عتوي مو جلب!

Sahara kuwait

هذي حفرة المندي

طبعا بالجدر حاطين كل شي على قولة Power puff girls:

Sugar, spice and every thing nice :)

Alexandria beach ... i miss this place

على هالموج مو ناقصني الا جيت سكي اخخخخخخخخ والله صج يبيله

هالصورة من غرفتي بالفندق

طبعا كل المدونين صورهم بأوروبا وانا وبراقش الوحيدين اللي صورنا بس بمصر

لا والله حتى براقش سافرت سفرة سنعة

يعني الحين مالي منافس بصور مصر:)

Yes.. these callers driving me crazy

القصص المذكورة ادناه هي قصص حقيقية وليست من وحي الخيال...

وقعت في احدى الشركات (call center) في عالمنا العربي الجميل!

وسوف يتم تحديثها من وقت لأخر

العميل: أخوي انا ادق على صاحبي بس كله يطلعلي مغلق يعني شنو؟

الموظف: يعني جهاز صاحبك مغلق!!!!

العميل: لااااا صج؟ اوكي يعطيك العافية

------

العميل: اخوي ادق على رفيجي بس يطلعلي مشغول ليش؟

الموظف(وده يزنط العميل): يعني تلفونه مشغول الحين!!!!!!!!

العميل(وبكل غباء): اهاااااااا

---------

العميلة: لو سمحت انا ياتني مكالمة دولية بس بعرف فتح الخط مال اي دولة؟

الموظف: اختي الرقم هذا من المغرب

العميلة: بس انا ما اعرف احد بالمغرب!

الموظف: بس انا مبين عندي ان هالرقم من المغرب!!!

العميلة: شفيك اخوي انا ما اعرف احد بالمغرب

الموظف(بينه وبين نفسه يقول انا شكو تعرفين احد والا لأ): والله هذا اللي مبين عندي اختي

العميلة: زين اخوي تأكد يمكن هالرقم من امريكا الجنوبية؟؟؟؟

الموظف: اختي امريكا الجنوبية قااااارة مو دولة, ممكن تحددين اي دولة بأمريكا الجنوبية عشان اعطيج فتح الخط مالها؟

العميلة: امممم مادري والله ...مدريد او اسبانيا!!!!!!!!!!!!

الموظف(مصدوم من تخلف العميلة الجغرافي): عفوا! اسبانيا بأوروبا اختي!

وانتهت المكالمة بطريقة ما ;)

=================

الموظف تعب نفسه بمكالمة طويلة حاول يشرح شغلات وايد لأحدى العميلات

ومن هالشغلات اسعار المكالمة الدولية

اخر شي كان رد العميلة:

"لييييييييه؟ واجد غالية مكالماتكم الدقيقة مهيب 30 ثانية؟"

ومازالت المآسي تتكرر يوميا...

ترقبوا المزيد....

Cats for adoption

كنت مضبط صور وفيديو وكل شي عشان اوريكم

بس مسحت كل شي وقلت احطلكم الموقع وجم صورة بس احسن

الموقع في صور قطط للتبني في الكويت

http://www.paws-kuwait.org/adopt/thumbnails.php?album=2

احطلكم الفيديو بعدين

اضغط هــنـا لتعرف الفرق بين الشراء والتبني

شاركونا الأمل

"شاركونا الأمل"

يوم الأثنين الموافق 28-4-2008 الساعة 8 مساء

افتتاح مقر التحالف الوطني الديمقراطي (الدائرة الـ3)

د. أسيل العوضي

خالد الخالد

فيصل الشايع

العنوان: حطين, امتداد شارع دمشق, بجانب صالة الجيعان

يستاهلون الدعم

ونشوفهم بالمجلس ان شاء الله

وظيفة يديدة+عمل تطوعي+عمل تطوعي=؟!؟

السلام عليكم

اول شي اعتذر عن غيبتي الطوييلة

بس لأني توظفت من فترة ولهيت وايد بالدوام وغير هذا تطوعت بمنظمتين اللي اهم انجاز الكويت و PAWS

واحلى شي بالوظيفة انها صارت بدون واسطة وهذا الشي اللي مريحني

طبعا التطوع في منظمة انجاز الكويت يتطلب منا ان نزور مدارس ونعطي دورة للطلبة على مهارات النجاح والتواصل وتشجيعهم على العمل في القطاع الخاص. وطبعا تكون محاضراتها اسبوعية لمدة شهرين

لا وقاطيني بمدرسة بمنطقة مو شي بس الله كريم

اما PAWS اهي Protecting Animal Welfare Society

او جمعية الرفق بالحيوان-الكويت

هذي الله يسلمكم جمعية غير ربحية هدفها وقف تعذيب الحيوانات وانقاذ الحيوانات الضالة او المصابة او اللي تخلى عنها اصحابها لأي سبب كان

ويتم علاجها وتنظيفها ورعايتها على اكمل وجه وعرضها للتبني

ويكون كل هذا على حساب المتطوعين

وكل متطوع يدفع رسوم اشتراك 20 دينار بالسنة او 35 للعضوية العائلية وتكون مخصصة بالكامل لرعاية الحيوانات الموجودة في الملجأ

وطبعا اغلب الحيوانات الموجودة هي قطط وكلاب وصورهم موجودة بالموقع تختار او تختارين القطوة او الجلب اللي يعجبكم وتعبون بياناتكم بالطلب الموجود بالموقع

Adoption Form

ويتم تبني الحيوان المطلوب بسعر رمزي (يعادل قيمة العلاج والتطعيمات والرعاية)

طبعا اللي مايقدر يربي حيوان بالبيت نفسي يعني:) يقدر يتطوع بعد ويروح الملجأ متى ماحب ويستانس ويغير جو ويرد البيت:)

فاللي يحب يتطوع بعد حياه الله منها وناسة ومنها يكسب اجر من ورا هالشي.

كان ودي احطلكم صور من PAWS لكن الصور الموجودة بالموقع تعبر وزيادة:)

اشوفكم بالبوست القادم...